குர்ஆன் குறள் !

 
அல்ஹம்து லில்லாஹிரப்பில் ஆலமீன் 10:10இல்
அழகான முடிவதான பிரார்த்தனையாமே!

தட்டழிந்திடவே விட்டு வைத்தான் வழிகேட்டிலே
சந்திப்பை நம்பார் தமை! 10:11

அழைத்திடுவான் துன்பம்பரின் அனைத்து நிலையில்
அழையாவா றகல்வா னகன்றிடில் 10:12

அல்லாஹ்வி னோர்நாள் நம்மாயிரம் வருடமென
அல்ஹாஜ் 47இல் அழகாக நவின்றானே!

வானவரேறிடும் அந்நாள் ஐம்பதாயிரம் வருடமென
ஞானவான் நல்கினான் 70:4இல்

நெருங்காதீர் விபச்சாரம் மிகக்கெட்டது மானக்கேடை
வருவிக்கும் என்குது 17:32

என்னைநினைவு கூர்ந்திடத் தொழுகையை நிலைநிறுத்துக
மனிதனைப் பணிக்கின்றான் 20:14இல்

 

- நிஹா -

தினமொரு மறை வசனம் மனனம் பண்ண !

 

அல் குர்ஆன் 4:142

நிச்சயமாக நயவஞ்சகர்கள் ‌அல்லாஹ்வை வஞ்சிக்கின்றனர். ஆனால், அவனோ அவர்களை வஞ்சிப்பவனாக இருக்கின்றான். மேலும், தொழுகைக்கு அவர்கள் நின்றார்களாயின் சோம்பேறிகளாக மனிதர்களுக்குக் காண்பிப்பதற்காகவே நிற்கின்றனர். இன்னும் அவர்கள் மிகக் குறைவாகவே தவிர அல்லாஹ்வை நினைவு கூர்வதில்லை.

- நிஹா -

Continue reading →

தினமொரு மறை வசனம் மனனம் பண்ண !

அல் குர்ஆன் 29:69

 
மேலும், எவர்கள் நம்முடைய வழியில் முயற்சிக்கிறார்களோ, அவர்களை நிச்சயமாக நம்முடைய நேரான வழியில் செலுத்துகின்றோம். நன்மை செய்வோருடன் நிச்சயமாக அல்லாஹ் இருக்கின்றான்.

 

- நிஹா -

 

Al Quran  29:69

 

And those who strive in Our – We will certainly guide them to Our Paths: For verily Allah is with those who do right. 

 

- niha -

நாம் செல்ல வேண்டிய வழியை உறுதி செய்து கொள்வது எப்படி!

நாம் ஓரிடத்துக்குச் செல்ல வேண்டியிருந்தால், அதற்கான ஆயத்தங்களைச் செய்வதோடு போகவுள்ள பாதை பற்றிய அறிவு வேண்டப்படுகின்றது. காரணம், பாதையே நாம் செல்ல வேண்டிய இலக்கை அடைவதற்கு உறுதுணையாயிருப்பது. ஒரு இலக்கை அடைவதற்குப் பல பாதைகள்கூட இருக்கலாம். அத்தனை பாதையிருந்தும் சில வேளை புதிய பாதை ஒன்றைப் போட்டுச் செல்ல வேண்டிய நிலைமைகூட காணப்படலாம். குறுக்கு வழிப் பாதைகள், ஒற்றையடிப் பாதைகள் எனப் பல்வேறு வகைத்தானவையும் உண்டே! இவை பாவிப்பவர்களின் திறன், அறிவு, அனுபவம், தேவை, வசதி என்பவற்றை உள்ளடக்கி அவரவர்களின் தெரிவுக்கு உள்ளாகும்.

Continue reading →

நற்சிந்தனை 32

அல்லாஹ்வை மறவாது அவனும் நம்மை மறக்காதிருக்க வழி தேடுவோம்!

 
அல் குர்ஆன் 59:19 அல்லாஹ்வை மறந்து விட்டவர்களைப் போன்று நீங்களும் ஆகிவிட வேண்டாம். ஏனென்றால், அவன், அவர்கள் தங்களையே மறக்குமாறு செய்துவிட்டான்!

மேற்கண்ட வசனத்தில் முன்னைய கூட்டம் ஒன்று அவனை மறந்தது பற்றியும், அதனால் அல்லாஹ், அவர்களைத் தங்களையே மறக்கும்படி செய்து விட்டான் என்ற ஒரு உண்மையை வெளிப்படுத்தி நம்மையும் அப்படி ஆகிவிட வேண்டாம் என எச்சரிக்கின்றது.

இச்சம்பவத்தில் இறுதி இழப்பு அல்லது தண்டனை அல்லது விளைவு நம்மை அவன் மறந்து விடுவதுடன், நம்மை நாம் மறந்து விடவும் செய்வதிலுள்ள பாரதூரம் விளங்க வேண்டியது. எதற்காக நாம் நம்மை மறக்க வேண்டிய நிலையை அடைந்துள்ளோம் என்பதை ஒப்புநோக்கின்அல்லாஹ்வை மறந்ததற்காகக் கொடுக்கப்பட்டதனைக் காண்கின்றோம். Continue reading →

 தினமொரு மறை வசனம் மனனம் பண்ண !

 

அல் குர்ஆன் 59:19
அல்லாஹ்வை மறந்து விட்டவர்களைப் போன்று நீங்களும் ஆகிவிட வேண்டாம். ஏனென்றால், அவன், அவர்கள் தங்களையே மறக்குமாறு செய்துவிட்டான்!

- ‌ நிஹா -

AlQuran 59:19

 

And be ye not like those who forgot Allah: and He made them forget themselves! Such are the rebellious transgressors!

 

- niha -