குர்ஆன் வழியில் …

அல்லாஹ்வுக்கு உவமை ஏற்படுத்தாதீர் !

அல்லாஹ் பற்றி அறிந்து கொள்வது ஷிர்க் என்ற இணைவைப்பை வருவிக்காதிருக்கும். அல்லாஹ் தான் விரும்பினால், தனது கருணையைக் கொண்டு மானுடரின் அனைத்துக் குற்றங்களையும் மன்னிப்பான். ஆனால் தனக்கு இணை வைப்பதை அவன் எக்காரணங் கொண்டும் மன்னிக்கமாட்டான். அதனால் அல்லாஹ்வுக்கு இணைவைக்கும் காரியங்களையாவது நாம் அறிந்து வைத்திருத்தல் ஷிர்க்கிலிருந்து நம்மை விலக்கி இறைதண்டனையில் இருந்து நம்மைக் காப்பாற்றும்.

அந்த வகையில் லா இலாஹ இல்லல்லாஹ் என்ற கலிமாவை சரிவரப் புரிந்து ஈமான் கொண்டோமாயின் ஷிர்க்கில் இருந்து விலகிக் கொள்ளலாம். மேற்கண்ட தலைப்புக்கு ஆதாரமாக நிறைய குர்ஆனிய வசனங்கள் இருப்பினும் அது நேரடியாக உணர்த்தும் வசனம் ஒன்றை முதலில் பதிவாக்குகிறேன். ‘அவனைப் போன்று எப்பொருளும் இல்லை’. இந்த வசனம் மிகத் தெளிவானது. அவனைப் போன்று எப்பொருளும் இல்லை- 42:11 என்ற போது, அவன் இப்படி இருப்பான், அப்படி இருப்பான், அங்கு இருக்கிறான், இங்கு இருக்கிறான். வானத்தில் இருக்கிறான், பூமியில் இருக்கிறான் போன்றவாறு நினைப்பதோ, கூறுவதோ ஷிர்க் என்பதை மக்கள் அறியாமல் இருப்பது அவனது மன்னிப்பை ஹறாமாக்கிவிடுவது. Continue reading →

உலக மாற்றங்களுக்கும், விஞ்ஞானக் கண்டுபிடிப்புகளுக்கும், மனித நாகரிகத்துக்கும் ஈடு கொடுத்துக் கொண்டிருக்கின்றதா புனித குர்ஆன் !

அசைவற்று, மாற்றங்காணாத எப்பொருளும் இந்த பிரபஞ்சத்தில் இல்லை. அசையாது என நாம் நினைத்துக் கொண்டிருக்கும் மலைகளும் தன்னில் மாற்றத்தை ஏற்று, ஏற்படுத்திக் கொண்டிருப்பனவே! அசையாதது போன்று தோற்றமளிக்கும் உலகம் உட்பட அனைத்துக் கிரகங்களும், நட்சத்திரங்களும் அசைந்து கொண்டும், சுழன்று கொண்டும், பயணித்துக் கொண்டும், வேறு மாற்றங்களுக்கு உட்பட்டுக் கொண்டும் இருக்கின்றன என்பதை ஓரளவாவது மக்கள் தற்போது அறிந்தே இருக்கின்றார்கள்.

ஏன் வல்ல நாயன் அல்லாஹ் சுபுஹானஹுவதஆலா கூட ஒவ்வொரு ஷணமும் தான் ஓர் மாட்சியில் இருப்பதாகக் கூறுகிறான். மேற்கண்ட உண்மைகளைக் கூட, அல்லாஹ் தன்மாமறையில் மிக நாசூக்காக பல்வேறு வசனங்களில் கூறியேயுள்ளான் என்பதே இந்த தலைப்பிற்கு விடையாக அமையும். அதற்கு மேலும், அனைத்தும் தாம் விரும்பியோ விரும்பாமலோ அல்லாஹ்வைத் துதி செய்து கொண்டிருக்கின்றன. சிரம் சாய்க்கின்றன. அவற்றின் துதியை நீங்கள் விளங்கிக் கொள்கிறவர்களாக இல்லை எனக் கூறும் குர்ஆனிய வசனமே இதற்குச் சான்றாகும். விஞ்ஞானமும் அதனை ஏற்றுள்ளதை, அண்மைய கண்டு பிடிப்புக்களான Big Bang, Theory of Crunch, Tachyon ( Hypothetical particle that travels faster than the light travels ) போன்றவை உண்மைப்படுத்திக் கொண்டிருக்கின்றன. Continue reading →

மனிதர் மறதியில் புறக்கணித்தவர்களாகவே உள்ளனர்

அல்குர்ஆன் 21:1 ” மனிதர்களுக்கு அவர்களுடைய கேள்வி கணக்கு நெருங்கி விட்டது. அவர்களோ மறதியில் புறக்கணித்தவர்களாகவே உள்ளனர்.“

இது ஓர் அபாய அறிவிப்பு. ஆம் மறைவான எச்சரிக்கையுடன் கூடியது. மறதியில் உள்ளவர்கள் நாம் என்ற நம் குறையைச் சுட்டிக்காட்டி, நாம் மறந்த எதையோ ஞாபகப்படுத்துமாறு மனிதரைத் தூண்டிக் கொண்டிருக்கும் பண்புடன், தனது கிருபா கடாட்சத்தை வெளிப்படுத்தி நிற்கும் அல்லாஹ் சுபுஹானஹுவதஆலாவின் நெருங்கிவிட்ட மறுமை யையும். அங்கு கேள்விக்கு பதில் அளிக்க வேண்டி இருப்பதையும் பறை தட்டும், அருளும் பொருளும் பொதிந்த அற்புதமான அழைப்பு.

மனிதர்களுக்கு அவர்களுடைய கேள்வி கணக்கு நெருங்கிவிட்டது எனக் கூறும் முறை, இவ்வுலகு சீக்கிரம் அழியப் போகின்றது என்ற அபாய அறிவிப்பைச் செய்கின்றது. மறுமையில் நடக்கவிருக்கும் கேள்வி கணக்கிற்கு நம்மிடம் என்ன இருக்கின்றது? என்ற கேள்வியை எழுப்பிய வண்ணம் உள்ளது. நம்மிடம் கேட்கப்படவுள்ள கேள்வியும், தீர்க்கப்படவுள்ள கணக்கும்தான் என்ன? Continue reading →

ஈமானற்ற தொழுகை ஈடேற்றம் தருமா!

ஒரு மனிதன் இஸ்லாமியனாக ஆவதற்கு ஆறு காரியங்களில் நம்பிக்கை கொள்ள வேண்டும். அவை அனைவரும் அறிந்தவை. ஆயினும், விளக்கத்துக்காக: அல்லாஹ்வை, அவனது வானவர்களை, அவனது வேதங்களை, அவனது திருத்தூதர்களை, இறுதிநாளை, விதியை, தீர்ப்பை நம்பிக்கை கொள்ள வேண்டும் .

இவ்வாறான விடயங்கள் உண்டு என்பதை அறிவதற்குள்ள ஓரே ஊடகம், அல்லாஹ் நமக்கருளியுள்ள வேதங்களாகும். வேத வெளிப்பாடுகளின் இறுதிக்கால மக்களாக நாம் இருப்பதால், இஸ்லாத்தையே நமக்குரிய வேதமாக அல்லாஹ் தேர்ந்து விட்டதாகக் கூறுகிறான். அதிலேயே நமக்கு விடிவு இருப்பதாகவும், அதல்லாதவற்றால் எவ்வித பலனும் ஏற்படப் போவதில்லை என்பதையும் தெளிவாகவே தெரிவித்துவிட்டான். காரணம் இறுதி வேதமாகவும், சம்பூரணமான தாகவும், பாதுகாக்கப்பட்டதாகவும் குர்ஆன் ஆக்கப்பட்டுள்ளதே! Continue reading →

புனித குர்ஆனை விமர்சனத்திற்கு உட்படுத்த முடியுமா!

இன்று உலகளாவிய ரீதியில் மாற்று மத சகோதரர்களாலும், இஸ்லாமிய எதிரிகளாலும், ஏன் முஸ்லிம்கள் சிலராலும் கூட செய்யப்படும் மிக மோசமான விமர்சனங்களுக்கு முழுமையாக முகம் கொடுத்துக் கொண்டிருக்கும் ஓரே மார்க்கம் இஸ்லாமும் அதன் வழிகாட்டியான புனித குர்ஆனுமேயாம். இதற்கான காரணங்களைக் கூறுமுன், இஸ்லாம் பற்றி இரண்டொரு வார்த்தைகள் கூறிச் செல்லலாம் என நினைக்கிறேன்.

இஸ்லாம் இறுதி மார்க்கம். எழுத வாசிக்கத் தெரியாத இறுதி நபியும், ரசூல் என்ற இறைதூதருமான நபிகள் கோமான் முஹம்மது ஸல்லல்லாஹு அலைஹிவ ஸல்லம் அவர்கள் மூலம் அரபிப் பாஷையில் கிபி ஆறாம். நூற்றாண்டின் பிற்பகுதியில் பகுதி பகுதியாக இறைவனால் அவனது வானவர் மூலம் இறக்கப்பட்டு, 23 வருடங் களாக நபிகளாரால் நடைமுறைப்படுத்திக் காட்டப்பட்டது. Continue reading →

குர்ஆன் வழியில்…

முஸ்லிம் அல்லாதோருக்கும்
தர்மம் (ஸதக்கா) ஏழைவரி (ஸக்காத்) வழங்கலாமா?

நாமறிந்தவரை தர்மத்தை யாருக்கும் வழங்கலாம் என்றவாறும், ஸக்காத் என்ற ஏழைவரியை முஸ்லிம்களுக்கு மாத்திரம் வழங்கலாமெனவும் கருதி முஸ்லிம்கள் வாழ்ந்து கொண்டிருக்கிறார்கள் என்பதை, அவர்கள் அவற்றை நடைமுறைப்படுத்திவரும் முறையில் இருந்து கண்டு கொள்ளக் கூடியதாயுள்ளது. இந்த நடைமுறை சரியானதா? முஸ்லிம் அல்லாதவர்களுக்கு ஏழைவரியில் இருந்து வழங்கலாமா என்பதை குர்ஆனின் அடிப்படையில், உள்ளதை உள்ளவாறு ஆராய்வதே இக்கட்டுரை.

உலக மாந்தரின் உய்வுக்காக இறக்கி அருளப்பட்ட மாமறையில் ஓரவஞ்சகமாக முஸ்லிம்களுக்கு மட்டும் ஸக்காத்தைக் கொடுங்கள் என கருணை நாயன் வல்ல அல்லாஹ் நம்மைப் பணித்திருப்பானா? இக் கேள்வியும் என் மனதைத் துளைத்துக் கொண்டிருந்த கேள்விகளில் ஒன்று. அதனைக் கண்டறிய அவனின் யாப்பு என்ன கூறுகிறது என்பதை யறிய குர்ஆனில் உரசிப் பார்த்த பொழுது பல்வேறு உண்மைகள் கேள்வி களாய் எழுந்து வருகின்றன.

Continue reading →

பிழையாக விளங்கிக் கொள்ளப்பட்டமைக்கு,அடிப்படையை விளங்காமையே காரணம்

இஸ்லாத்தைப் பின்பற்றும் ஒருவர் அது பற்றிய அடிப்படை அறிவைப் பெற்றிருக்க வேண்டும். இஸ்லாம் என்ற வாழ்வியல் திட்டம் உலகில் மனிதப் படைப்பு தோன்றிய போதே வேதங்களாகவும் கட்டளை களாகவும், நபிமார்கள், தூதுவர்கள் மூலமாக காலத்துக்குக் காலம் தேவைக்கு ஏற்ப இறைவனால் இறக்கி அருளப்பட்டவையே! இவையனைத்தையும் குர்ஆனின் தாய் எனப்படும் உம்முல் கிதாபில் அல்லாஹ் பதிந்து வைத்திருப்பதாகக் கூறியுள்ளான். இறுதியாக அனைத்து வேதங்களில் கூறப்பட்டவையும் தனது இறுதி நபி முஹம்மது ஸல் அவர்கள் மூலம் வெளிப்படுத்தினான். குர்ஆன் அப்படி வெளிப்படுத் தப்பட்ட ஒன்றே தவிர வேறல்ல என்றும் மிகவும் வலியுறுத்திக் கூறி யுள்ளான். நபிமார்களும், தூதுவர்களும் தமக்கு இறக்கி வைக்கப்பட்ட வற்றை வெளிப்படுத்த அவனால் தேர்ந்தெடுக் கப்பட்ட சாதாரண மனிதர்களே என்பதும் அவனது கூற்றே! நபிமார்களோ, தூதுவர்களோ அவர்கள் போதித்த வேதங்களின் உரிமையாளர்கள் அல்லர் என்பதை நன்கு மனத்தில் இருத்திக் கொள்ளல் மார்க்கத்தை அறிவதில் மிக அவசியம் தேவைப்படுவது. அவர்களும் தாம் போதித்த இறை செய்தி களான வேதங்களைப் பின்பற்றியவர்களே என்பதே யதார்த்தம்!

நேர்வழி என்பது அல்லாஹ்வின் வழி என்பதால், இறுதி மார்க்கமாக வெளிப்படுத்தப்பட்டு, இறைவனால் தெரிவு செய்யப்பட்ட இஸ்லாமிய வேத நூலான புனித குர்ஆனே அந்தத் தகைமையைக் கொண்டது. அது அல்லாஹ்வின் வழிகளைக் கூறிக் கொண்டிருப்பது. அதனையே நாம் அல்லாஹ் வின் சுன்னா(வழி) என அரபியில் காண்கின்றோம். நான் ஏற்கனவே கூறியது போல் நபிமார்கள் பின்பற்றிய வழி எனப்படும் சுன்னாவும் அல்லாஹ்வின் சுன்னாவே! அல்லாஹ்வை நேசிப்போர் எனது சுன்னாவைப் பின்பற்றுவர் என நாயகம் ஸல் அவர்கள் கூறியிருக் கின்றார்கள் என்றால் அந்த வழி அல்லாஹ்வின் வழியே தவிர வேறு வழியில்லை. நபிமார்களுக்கு என்று தமது சொந்த வழிகள் எதுவு மில்லை.

46:9 – “நான் தூதர்களில் புதுமையானவனல்ல. மேலும், என் தொ டர்பாகவும், உங்கள் தொடர்பாகவும், என்ன செய்யப்படும் என்பதை நான் அறிய மாட்டேன். என்பால் வஹீ அறிவிக்கப்படுவதைத் தவிர நான் பின்பற்றுவதில்லை. மேலும், நான் பகிரங்கமாக அச்சமூட்டி எச்சரிக்கை செய்பவனேயன்றி இல்லை!“ Continue reading →