உறவு முறைத் திருமணம் பிறக்கும் பாலகரைப் பாதிக்குமா?

இன்று மக்கள் மத்தியில் பரப்பப்படும் திருமணம் பற்றிய ஓர் பரபரப்பான செய்தியே உறவு முறைத் திருமணங்களில் பிறக்கும் குழந்தைகள் ஊனமாகப் பிறக்கின்றன அல்லது ஏதோ வகையில் குறைபாடான பிள்ளைகளாகவே பிறக்கின்றன என்பதே. இது பற்றிய ஓர் வரலாற்று ரீதியான ஆதாரபூர்வமான ஆக்கமே இந்தச் சிறு கட்டுரை.

நாம் ஏதாவது ஓர் விடயத்தில் தீர்வுக்கு வருவதற்குப் பல காரணிகள் உண்டென்பதை அறிந்து வைத்திருக்கிறோம். ஆயினும் அவை ஆய்வுக்கு உட்படுத்தப்படுகின்றன. அப்படி ஆய்வுக்கு உட்படுத்தப்பட்டுக் பெறப்படுபவைகள் முடிவான முடிபுகளாகவும் அதிகமாக இருப்பதில்லை. காலத்துக்குக் காலம் ஒவ்வொரு விடயத்திலும் முரண்பாடான ஆய்வறிக்கைகளும் கருத்துக்களும் வெளியாகிக் கொண்டுதான் இருக்கின்றன. ஆனால் ஏற்றுக் கொள்ளப்படுகின்ற அதிகமான விடயங்கள், நடைமுறைச் சாத்தியங்களைக் கூறும் சரித்திரச் சான்றுகளில் இருந்து பெறப்படுகின்றன. அவை நிரூபணத்துக்கு அப்பாற்பட்டு ஏற்கப்பட வேண்டிய உண்மைகளாகவும் உள்ளன. காரணம் நடந்து முடிந்த உண்மைகள் என அனைவராலும் ஏற்கப்பட்டமையே. ஒரு உதரரணத்தைக் காண்போம். அது புனித பைபிளும், புனித குர்ஆனும் கூறியவை. 2000 வருடங்களுக்கு முன்னர் பைபிளில் கூறப்பட்டு, 1400 வருடங்களுக்கு முன்னர் இறக்கப்பட்ட குர்ஆன் கூறிய ஓரே விடயம். Continue reading →

உபாயங்களின் மூலம் உதவிகள் செய்யப்படலாம்!

மனித வாழ்வில் தேவைகள் முக்கிய இடத்தைப் பெறுகின்றன. தேவையற்ற மனிதரைக் காண்பது மிகமிக அருமை. இறைவன் ஒருவனே தேவையற்றவன். அவன் யாருடைய, எதனுடைய தேவையும் அற்றவன். உணவு, உடை, உறையுள் மட்டுமல்ல, உறவு, நட்பு, உதவிகள், பொருள், பணம், பதவி, மருத்துவம், கல்வி, போக்குவரத்து, தொடர்பாடல் போன்ற இன்னோரன்ன தேவைகள் இருக்கவே செய்கின்றன. இவைகளில் உதவி பெறுவதும் முக்கியமான ஒன்றாகவே உள்ளது. அனைத்துத் தேவைகளிலும் உதவியின் கரம் இன்றியமையாததாகிறது. சில சந்தர்ப்பங்களில் அவ்வாறான உதவிகளைப் பெறுவதில் சங்கடங்களும் தோன்றுகின்றன. சட்டங்களின் தடைகளும் உண்டே. சமூகக் கட்டுப்பாடுகள், ஒழுக்க விழுமியங்கள் என பல்வேறு காரணிகளும் உதவி பெறப்படுவதில், செய்வதில் இடைமறிப்புச் செய்வதுமுண்டு. அப்படியான சந்தர்ப்பங்களில் சட்டத்துக்கு, சமூகக் கட்டுப்பாடுகளுக்கு, ஒழுக்க விழுமியங்களுக்கு முரணற்ற விதத்தில் நாம் சில காரியங்களைச் செய்ய வேண்டியே உள்ளது. Continue reading →

அல்குர்ஆன் 21:1 ” மனிதர்களுக்கு அவர்களுடைய கேள்வி கணக்கு நெருங்கி விட்டது. அவர்களோ மறதியில் புறக்கணித்தவர்களாகவே உள்ளனர்.“

இது ஓர் அபாய  அறிவிப்பு.  ஆம் மறைவான எச்சரிக்கையுடன் கூடியது. மறதியில் உள்ளவர்கள் நாம் என்ற நம் குறையைச் சுட்டிக்காட்டி, நாம் மறந்த எதையோ ஞாபகப்படுத்துமாறு மனிதரைத் தூண்டிக் கொண்டிருக்கும் பண்புடன், தனது கிருபா கடாட்சத்தை வெளிப்படுத்தி நிற்கும் அல்லாஹ் சுபுஹானஹுவதஆலாவின் நெருங்கிவிட்ட மறுமை யையும். அங்கு கேள்விக்கு பதில் அளிக்க வேண்டி இருப்பதையும் பறை தட்டும், அருளும் பொருளும் பொதிந்த அற்புதமான அழைப்பு.  Continue reading →

நபிகளார் மூலம் புனித குர்ஆன் புவிக்கு இறக்கப்பட்டதன் நோக்கம்.

அனைத்து செயல்களும் நோக்கம், தாக்கம், விளைவு, பயன்பாடு போன்றவைகளை அடியொற்றியதாகவே காணப்படுகின்றன. வீணாக நாம் எதனையும் படைத்துவிடவில்லை என்று பறைசாற்றிக் கொண்டிருக்கின்றது அல் குர்ஆன். இக்குர்ஆனே கூட புனித நோக்கத்தோடே படைக்கப்பட்டு உள்ளதை அக்குர்ஆன் வாயிலாகவே அல்லாஹ் வெளிப்படுத்தியுள்ளமை நம் கருத்தைக் கவர்வது. விளக்கத்தைத் தருவது. விவேகத்தை வளர்ப்பது. வேதனையைக் களைவது. வீடுபேற்றைத் தரவல்லது. கீழ்க்கண்ட வசனம் மிகத் தெளிவாக சான்று தருகின்றது. Continue reading →